PAGSUSULONG NG KARUNUNGAN

    Sa isang mundo na puno ng impormasyon at kaalaman, mahalaga para sa mga estudyante upang mas maunawaan ang mga paksa sa kanilang pinag-aaralan. ang pagkakaroon ng magndang marka sa paaralan ay hindi lamang nagmumula sa talento kundi sa tamang diskarte at pamamaraan ng pag-aaral.

   Ayon sa aking pananaliksik, mula kay David 2008, isang hakbang na maaari nating gawin ay ang pagbuo ng isang sistematikong iskedyul ng pag-aaral. ang pagkakaroon ng tiyak na oras para sa bawat asignatura ay makatutulong upang mapanatili ang disiplina at konsentrasyon. Sa pamamagitan nito, maaaring mas mapadali ang pag-aaral ng mga paksa dahil nakatuon ang isip at oras sa isang bagay. Makatutulong din ang paglikha ng isang tahimik at komportableng kapaligiran para sa pag-aaral. Ang mga distraksiyon gaya ng cellphone o ingay mula sa labas ay maaaring makasira sa ating konsentrayon.

  Bilang isang mag-aaral na may pangarap sa buhay, napakahalaga ang araw-araw na pakikinig sa mga diskusyon sa paaralan at paggawà ng mga aktibidad na ibinigay ng mga guro dahil ito ay nakatutulong sa pagtaas ng hinahangad na grado. Ang pag-aaral kasama ang kaklase ay epektibong paraan din para sa pagpapalitan ng ideya at impormasyon. Mahalaga rin ang maagang pagbabasa ng mga paparating na leksiyon upang maging handa sa posibleng tanong ng guro. Bukod nito, ang regular na pag review ng mga aralin ay nakatutulong upang hindi makalimutan ang mga natutunan at mas maging handa sa paparating na pagsusulit.
 
   Walang duda na ang tamang pag-iisip at pag-uugali ay napakahalaga sa pag-aaral. Ang pagkakaroon ng positibong pananawvsa sariling kakayahan, ang pagiging bukas sa pagkakamali at pagpupursige sa kabila ng hamon sa susi ng tagumpay.

   Ang epektibong lag-aaral at pagkakaroon ng magandang marka ay nagmumula sa mas maging organisado, masigasig at mapanuri. Ang pagsunod sa mga esratehiyang nabanggit ay hindi lamang makatutulong sa pag-unawa sa mga paksang pinag-aaralan kundi nakapagbibigay din ng kasiyahan at kumpiyansa sa sariling kakayahan. Sa huli, ang pagtitiyaga at dedikasyon ay tiyak na magbubunga ng magagandang resulta sa paaralan.

Popular posts from this blog

Wika sa Pang Edukasyon

Ang kahalagahan ng wikang filipino sa edukasyon ay kasing halaga ng iba pang ginagamit nating wika sa paaralan.. Nakasalalay ang epektibong pagkatuto at matagumpay na paghahatid ng mga ideya sa ibang tao sa pamamagitan ng wika, kaya kinakailangang maging mahusay ang isang indibidwal sa pagsasanay ng wika upang magamit ito ng maayos. Marami ang nagsikap at nagsisikap na mapayaman at mapaunlad ang wikang pambansa Layunin ng mga pagsisikap na ito na magamit ang Wikang Filipino bilang wikang panturo o midyum sa edukasyon. Dahil sa pagbabago ng panahon ay malaki ang papel na ginagampanan ng wikang Filipino sa edukasyon.
Read more

Kompan

Mga batas pangwika na ipinatupad ng mga naging Pangulo ng bansa Ang mga batas pangwika ay mga patakarang ginawa ng ating pamahalaan upang maprotektahan at maitaguyod ang paggamit ng ating mga wika, lalo na ng Filipino at ng mga wikang rehiyonal. Bakit mahalaga ang mga batas na ito?  Una ay ang Pagkakaisa,Nagbibigay-daan ito upang mas maintindihan natin ang isa't isa, kahit magkakaiba ang ating mga kultura at wika. Pangalawa ay ang pagpapahalaga sa kultura, pinoprotektahan nito ang ating mga tradisyon at pagkakakilanlan bilang mga Pilipino.Ikatlo ay ang  Edukasyon na nagsisilbing gabay sa pagtuturo at pag-aaral ng mga wika sa ating mga paaralan. Maraming mga batas ang naipasa na may kinalaman sa wika. Una ay ang 1987 Konstitusyon ng Pilipinas, ito ang pinakamataas na batas ng ating bansa. Dito nakasaad na ang Filipino ang pambansang wika at ang Ingles ang wikang panturo sa mga paaralan. Pangalawa ay Batas Republika Blg. 10533 o ang Enhanced Basic Education Act of 2013, isinusul...
Read more